9 красавіка, Мінск /Кар. БЕЛТА/. Пік эпідэміі COVID-19 у Беларусі прагназуецца ў канцы красавіка - пачатку мая. Аб гэтым сёння ў парламенце паведаміў міністр аховы здароўя Уладзімір Каранік, перадае карэспандэнт БЕЛТА.
"У нас ёсць методыка прагназавання і дзеянняў пры розных варыянтах развіцця падзей. Мы думаем, што на пік мы выйдзем у канцы красавіка - пачатку мая", - сказаў Уладзімір Каранік.
Міністр падкрэсліў, што гэта новы вірус і складана сказаць, колькі чалавек да яго ўспрымальныя. Галоўная задача на сённяшні дзень - не дапусціць перагрузкі сістэмы аховы здароўя, каб усе, каму трэба, маглі атрымаць медыцынскую дапамогу.