17.01.2020
15 студзеня - 80 гадоў з дня ўтварэння Свіслацкага раёна
15 студзеня ў Свіслацкай раённай
бібліятэцы быў арганізаваны дзень інфармацыі “Свіслацкай раёну – 80 гадоў”, у
рамках якога прайшлі гісторыка-краязнаўчы круіз “Свіслаччына – вялікі шлях
малой Радзімы”, слайд-гутарка “Людзі працоўнай славы”, вечар-сустрэча “Таленты
роднай зямлі”.
Вучні СШ №2 імя М.П.Масонава
падчас гісторыка-краязнаўчага круізу, пачуўшы аповед бібліятэкара і
праглядзеўшы электронную прэзентацыю “Свіслаччына: вялікі шлях малой Радзімы”,
пашырылі свае веды пра гісторыю ўтварэння і развіцця Свіслацкага раёна,
даведаліся пра ўзнагароды раёна, аб вядомых людзях, якія нарадзіліся на
Свіслаччыне, аб ганаровых грамадзянах і пра іх заслугі, пазнаёміліся з
гісторыка-культурнай спадчынай і славутасцямі краю, з брэндавымі
мерапрыемствамі, якія праводзяцца толькі ў нашым рэгіёне. Зацікавіла старшакласнікаў
фотаэкспазіцыя “Свіслаччына: імгненні гісторыі”, дзе прадстаўлены параўнальныя
фатаграфіі мінулага і цяперашняга часу, якія распавядаюць пра перамены, якія
адбыліся ў раёне ў сацыяльнай сферы, эканоміцы і сельскай гаспадарцы. Рабяты,
праглядзеўшы фотаэкспазіцыю, акунуліся ў мінулае, убачылі тое, што акружае нас
сёння, ацанілі маштаб пераменаў.
Падчас слайд-гутаркі “Людзі працоўнай
славы” прысутныя знаёміліся з працаўнікамі нашага раёна, якія маюць асабістыя
заслугі і паказваюць прыклад добрасумленнай і адданай працы на карысць роднага
краю. Гэта людзі працы, якiя ўзнагароджаны
Ордэнам Леніна, Ордэнам Працоўнага Чырвонага сцяга, Ордэнам Дружбы народаў і
іншымі ўзнагародамі, гэта Лаўрэаты прэміі імя А.І.Дубко “За творчыя дасягненні
ў галіне культуры і мастацтва”. Асаблівую ўвагу надалі біяграфіі людзей, якія
ўдастоены звання “Герой Сацыялістычнай працы”, А.А.Апрышчанка, Я.І.Рэкуць, М.В.Шчолак.
У адрас гэтых людзей прагучалі словы падзякі за неацэнны ўклад у развіццё раёна.
З удзельнікамі аматарскага аб’яднання
“Свіслачанка” адбыўся вечар-сустрэча “Таленты роднай зямлі”. У цёплай
сяброўскай атмасферы, за кубачкам чая, прысутныя размаўлялі пра захапленні і талент
жыхароў нашай малой радзімы. Увазе гасцей была прапанавана прэзентацыя “Усяму пачатак
тут, у краі маім родным”, дзе сабрана інфармацыя аб таленавітых людзях нашай
малой радзімы ў розных сферах дзейнасці і разнастайных відах дэкаратыўна-прыкладнай
творчасці, рамесніках. Жанчыны пазнаёміліся з творчасцю мясцовых паэтаў, пачулі
іх вершы, прысвечаныя Свіслаччыне. Іван Канстанцінавіч Ламашкевіч да гэтай
сустрэчы напісаў верш “Таленты роднай зямлі”. Запрошаныя на сустрэчу Н.М.Мацюк
і Л.П.Шварак падзяліліся сакрэтамі свайго майстэрства, прадставілі свае творчыя
працы. Гэта дзіўныя аксэсуары, кветкі,
паясы і іншыя вырабы Надзеі Міхайлаўны. Партрэты, карціны, кнігі ручной працы,
вырабы, зробленыя рознымі відамі тэхнік, Людмілы Пятроўны. Наша малая радзіма
вельмі багатая на таленавітых
людзей,
а свет захапленняў настолькі вялікі і разнастайны, што можна ў ім падарожнічаць
вельмі доўга і знаходзіць шмат новага і цікавага.