Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Свіслацкi
раённы
выканаўчы
камітэт

Навiны раёна

21 мая 2018

Адроджанае рамяство

18 мая да Міжнароднага дня музеяў Поразаўскай бібліятэкай-цэнтрам краязнаўства на адкрытай пляцоўцы быў арганізаваны этна-фальклорны круіз “Адроджанае рамяство”, прысвечаны аднаму са старажытных рамёстваў – ганчарству, якім здаўна славілася Поразава. Кожны жадаючы меў магчымасць пазнаёміцца ​​з прадметамі хатняга ўжытку нашых продкаў, прадстаўленых гісторыка-краязнаўчым музеем “Млын часу” Поразаўскай сярэдняй школы, з інфармацыйнымі матэрыяламі тэматычнай выставы “Зямля бацькоў – жыцця крыніца”, а таксама паспрабаваць нацыянальныя стравы, прыгатаваныя ў гліняным посудзе. Прысутныя актыўна прымалі ўдзел у конкурсах загадак, прыказак і прымавак пра рамяство, гульнёвай праграме “Вясёлы венік”, дзеці чыталі вершы. Працягам  свята стала экскурсія па музейнаму пакою “Мастацтва гліны і агню”. Наведвальнікі пазнаёміліся з гісторыяй развіцця ганчарнага рамяства ў Поразаўскім краі, працэсам вырабу ўнікальных вырабаў чорнозадымленай керамікі, з дакументальнымі і фотаматэрыяламі аб знакамітых мясцовых ганчарах. На працягу мерапрыемства гучалі беларускія народныя мелодыі. Святочны настрой усім прысутным стваралі музычныя нумары, падрыхтаваныя супрацоўнікамі сектара культуры і вольнага часу.