5 кастрычніка, Мінск /Кар. БЕЛТА/. Апублікаваныя ў афіцыйных каналах фота Пагранічнай варты Польшчы пацвердзілі, што афганцы знаходзяцца на лініі польска-беларускай граніцы. Аб гэтым БЕЛТА паведамілі ў Дзяржпагранкамітэце.
"Зыходзячы з размешчаных фота відаць, што польскім бокам агароджа ўзведзена па лініі размяшчэння пагранічнага слупа Польшчы, а не па лініі граніцы, якая праходзіць за некалькі метраў ад польскай "калючкі". У сувязі з гэтым распаўсюджваемыя раней заявы Польшчы аб знаходжанні лагеры мігрантаў на тэрыторыі Беларусі не адпавядаюць рэчаіснасці, паколькі лагер афганскіх бежанцаў знаходзіцца каля польскай агароджы на лініі граніцы", - раказалі ў ДПК.
У ведамстве дадалі: "Такім чынам, Пагранварта Польшчы пацвердзіла інфармацыю Дзяржпагранкамітэта аб тым, што афганцы знаходзяцца непасрэдна на лініі польска-беларускай граніцы".-0-