Камісія па прадухіленні легалізацыі злачынных даходаў створана ў Беларусі

29 сакавіка, Мінск /Кар. БЕЛТА/. У Беларусі створана міжведамасная камісія па прадухіленні легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння. Гэта прадугледжана пастановай Савета Міністраў ад 25 сакавіка 2021 года нумар 170, якая афіцыйна апублікавана на Нацыянальным прававым інтэрнэт-партале, паведамляе БЕЛТА.

Дакументам зацверджана палажэнне аб камісіі і яе склад. Камісія з'яўляецца пастаянна дзеючым міжведамасным органам, які каардынуе дзейнасць дзяржаўных органаў, дзяржаўнай установы "Адміністрацыя Парка высокіх тэхналогій" у сферы прадухілення легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння.

Яе асноўнымі задачамі з'яўляюцца распрацоўка прапаноў аб рэалізацыі і ўдасканаленні дзяржаўнай палітыкі ў сферы прадухілення легалізацыі, каардынацыя дзейнасці дзяржорганаў, Адміністрацыі ПВТ у сферы прадухілення легалізацыі, распрацоўка комплексу мер па павышэнні эфектыўнасці нацыянальнай сістэмы прадухілення легалізацыі, а таксама маніторынг выканання міжнародных абавязацельстваў Беларусі па пытаннях прадухілення легалізацыі.

Камісія зможа зацвярджаць адпаведныя мерапрыемствы, выпрацоўваць рэкамендацыі і прапановы аб удасканаленні дзейнасці дзяржаўных органаў і Адміністрацыі ПВТ, праводзіць нацыянальную ацэнку рызык, звязаных з легалізацыяй даходаў, арганізоўваць навукова-даследчую работу па пытаннях прадухілення легалізацыі і г.д.

Кіраўніком камісіі назначаны старшыня Камітэта дзяржаўнага кантролю Васіль Герасімаў. Яго намеснікам стала намеснік старшыні праўлення Нацбанка Ілона Лядніцкая, а сакратаром камісіі - дырэктар Дэпартамента фінансавага маніторынгу КДК Вячаслаў Рэут.

Пастанова ўступае ў сілу з дня яе афіцыйнага апублікавання.