Канстытуцыйная камісія пасля 1 жніўня правядзе пасяджэнне з удзелам Прэзідэнта - Міклашэвіч

7 ліпеня, Мінск /Кар. БЕЛТА/. Канстытуцыйная камісія пасля 1 жніўня правядзе пасяджэнне з удзелам Прэзідэнта, заявіў сёння старшыня камісіі, старшыня Канстытуцыйнага суда Пётр Міклашэвіч, перадае карэспандэнт БЕЛТА.

"Пасля 1 жніўня мы яшчэ будзем праводзіць пасяджэнне Канстытуцыйнай камісіі з удзелам Прэзідэнта", - сказаў Пётр Міклашэвіч.

Сёння праходзіць восьмае пасяджэнне Канстытуцыйнай камісіі. Разглядаецца юрыдычнае афармленне прапаноў па змяненні прэамбулы Канстытуцыі Рэспублікі Беларусь і канстытуцыйных палажэнняў аб асновах канстытуцыйнага ладу, вызначэнні канстытуцыйнага статусу Усебеларускага народнага сходу.