Мемарыяльны комплекс "Брэсцкая крэпасць-герой" удастоены ордэна Францыска Скарыны

22 верасня, Мінск /Кар. БЕЛТА/. Мемарыяльны комплекс "Брэсцкая крэпасць-герой" удастоены ордэна Францыска Скарыны. Адпаведны ўказ падпісаў сёння Прэзідэнт Беларусі Аляксандр Лукашэнка. Аб гэтым БЕЛТА паведамілі ў прэс-службе беларускага лідара. 

Дзяржаўная ўстанова адзначана ўзнагародай за значныя дасягненні ў захаванні гістарычнай спадчыны, увекавечванні памяці ўдзельнікаў Вялікай Айчыннай вайны, патрыятычным выхаванні дзяцей і моладзі, а таксама ў сувязі з 50-годдзем з дня заснавання мемарыяльнага комплексу.