Тэставыя спаборніцтвы да Гульняў у Токіа адновяцца ў красавіку

31 сакавіка, Мінск /Кар. БЕЛТА/. Тэставыя спаборніцтвы да Гульняў XXXII Алімпіяды ў Токіа пад назвай Ready Steady Tokyo адновяцца ў красавіку, паведамілі БЕЛТА ў прэс-службе НАК Беларусі.

Турніры па плаванні, скачках у ваду, водным пола, веласпорце і рэгбі-7 плануецца правесці ў красавіку. У маі адбудуцца спаборніцтвы па валейболе, сінхронным плаванні, спартыўнай гімнастыцы, лёгкай атлетыцы, скейтбордынгу, баскетболе 3×3 і стральбе.

Апошні тэставы турнір перанесеных Гульняў у Токіа адбыўся ў сакавіку 2020 года на Алімпійскім скаладроме, але з-за пандэміі каранавіруса ўсе спаборніцтвы былі спынены. Усяго аргкамітэт плануе правесці 18 тэставых мерапрыемстваў.

На гэты момант па тэрыторыі Японіі праходзіць ужо эстафета Алімпійскага агню.

Гульні XXXII Алімпіяды ў Токіа пройдуць з 23 ліпеня па 8 жніўня 2021 года, Паралімпійскія - з 24 жніўня па 5 верасня. Агульны бюджэт Алімпійскіх і Паралімпійскіх гульняў у Токіа з-за пераносу стартаў на год павялічыўся да $15,8 млрд.