У Беларусі таленты ніколі не застануцца незаўважанымі - Петрышэнка

3 чэрвеня, Мінск /Кар. БЕЛТА/. У Беларусі таленты ніколі не застануцца незаўважанымі, заявіў сёння журналістам намеснік прэм'ер-міністра Ігар Петрышэнка падчас урачыстай сустрэчы з навучэнцамі, студэнтамі - пераможцамі міжнародных прадметных алімпіяд, творчых конкурсаў і фестываляў, лаўрэатамі і стыпендыятамі спецыяльных фондаў Прэзідэнта Беларусі па сацыяльнай падтрымцы адораных навучэнцаў, студэнтаў і таленавітай моладзі, перадае карэспандэнт БЕЛТА.

"Важна, каб дзеці, студэнты, моладзь адчувалі падтрымку дзяржавы. Для іх гэта дадатковы стымул да далейшых творчых, навуковых пошукаў і даследаванняў, каб іх распрацоўкі дапамагалі ўсім нашым галінам развівацца менавіта ў тым напрамку, у якім ідзе і развіваецца краіна. Такое штогод праводзімае мерапрыемства, дзе мы ўшаноўваем таленавітую моладзь, я думаю, з'яўляецца стымулам для ўсіх іншых развіваць свае таленты. А гэтыя таленты ў нашай краіне ніколі не застануцца незаўважанымі", - падкрэсліў Ігар Петрышэнка.

Акрамя таго, намеснік прэм'ер-міністра прыняў удзел ва ўручэнні нагрудных знакаў "Лаўрэат спецыяльнага фонду Прэзідэнта Рэспублікі Беларусь па сацыяльнай падтрымцы здольных навучэнцаў і студэнтаў" 21 навучэнцу і студэнту, якія атрымалі ў 2020 годзе перамогі ў міжнародных інтэлектуальных турнірах і спаборніцтвах, алімпіядах па вучэбных прадметах, навукова-даследчых канферэнцыях.

"У нас на дзяржаўным узроўні сацыяльнай падтрымцы таленавітых распрацовак моладзі ўдзяляецца вельмі вялікая ўвага. Чвэрць стагоддзя таму кіраўніком дзяржавы былі прыняты адпаведныя рашэнні: створаны два фонды па падтрымцы моладзі, якая працуе ў сферы навукі і тэхналогій. Другі фонд падтрымлівае нашых таленавітых творчых юнакоў і дзяўчат", - дадаў віцэ-прэм'ер.

Ігар Петрышэнка адзначыў, што менавіта дзякуючы такой сістэме моладзь адчувае, што іх талент падтрымліваецца дзяржавай. "Галоўнае, што яны не проста ствараюць распрацоўку. Яна потым укараняецца на практыцы па асобных сферах і напрамках. І гэта дае ім як маладым вучоным адчуць уласную самарэалізацыю, што гэтыя распрацоўкі не засталіся недзе там убаку , а могуць быць карыснымі ў практычным жыцці", - прадоўжыў ён.

Да пачатку ўрачыстай сустрэчы намеснік прэм'ер-міністра азнаёміўся з праектамі, прадстаўленымі на выстаўцы. "Размаўляючы сёння з моладдзю, мы акцэнтавалі ўвагу ў першую чаргу на тым, як у практычным плане можна ўкараніць іх распрацоўкі. Некаторыя ўжо бачаць пэўны напрамак, а іншыя задумаліся. Але гэта для іх дадатковае дамашняе заданне, каб яны ўдасканальвалі гэты працэс. Тое ж датычыцца і нашай творчай моладзі. Вы бачыце, што ў многіх мерапрыемствах, якія праводзяцца ў нашай краіне, яны дэманструюць, як развіваецца культура. Акрамя таго, займаюць першыя месцы ў міжнародных конкурсах", - сказаў Ігар Петрышэнка.-0-