У
Міжнародны дзень памяці ахвяр Халакоста, які штогод адзначаецца 27 студзеня, у
Свіслацкую раённую бібліятэку былі запрошаны вучні СШ
№2 імя М.П.Масонава на ўрок-рэквіем “Халакост – памяць пакаленняў”.
У
гэты дзень увесь цывілізаваны свет схіляе галаву перад ахвярамі варварскіх
акцый нацыстаў, якія сталі трагічным пралогам Халакоста. Бібліятэкар расказала
аб жахах Вялікай Айчыннай вайны, аб знішчэнні мірных грамадзян, а таксама аб бязвінна
пацярпелых дзецях.
У
ходзе прагляду прапанаванага відэафільма “Халакост” школьнікі азнаёміліся з асноўнымі паняццямі,
звязанымі з трагедыяй Халакоста, храналогіяй гэтых трагічных падзей і тым, што
стала падставай для масавага знішчэння людзей. Даведаліся аб шматлікіх ахвярах
фашызму, аб жорсткім знішчэнні яўрэйскага народа ў лагерах смерці. Ніводнага
ўдзельніка мерапрыемства не пакінулі абыякавымі апавяданне і відэахроніка пра
зверствы нацыстаў, якія ўражваюць сваёй жахлівай жорсткасцю, аб канцлагерах і
гета, створаных на тэрыторыі СССР.
У
поўнай цішыні прагучалі і сталі паэтычным рэквіем тым страшным падзеям вершыФрыдрыха Залаткоўскага “Бабін Яр. Памяць”,
Валерыя Агаронава “Крыштальная ноч”ды іншых аўтараў.
З
прадстаўленай мультымедыйнай прэзентацыі “Халакост. Памяць
пакаленняў” рабяты даведаліся, як
жыццё простых людзей ператварылася ў пекла, які
жах перажылі не толькі дарослыя, але і дзеці ў Бухенвальдзе, Трэблінцы,
Асвенцыме, Саласпілсе. У трубах гэтых лагераў стаяў дым ад спаленых дзіцячых
целаў і душ. Гэтага нельга забыць!
Запрошаны
на сустрэчу дырэктар Свіслацкага гісторыка-краязнаўчага музея
распавёў, як адбываліся гэтыя трагічныя падзеі ў нас на Свіслаччыне, якія іх
жудасныя наступствы. Уразіў аповед пра
жорсткасцьі фатальны дзень у гісторыі нашага краю 1 лістапада1942 года і лёс людзей,
расстраляных ва ўрочышчы Вішаўнік. Зацікавіла прысутных гісторыя яўрэйскай
нацыянальнасці і жыццё свіслацкіх яўрэяў.
У
завяршэнні мерапрыемства класны кіраўнік Кучыц Наталля Чаславаўна зачытала ўсім
прысутным “Равенсбрюкскую молитву”, а вучні прачыталі па радку: “Каждый
из нас должен помнить: многое начинается с меня, моих мыслей, поступков, моих действий.
Совершая действия, помни, что ты – Человек! Прислушайся к своему сердцу,
загляни себе в душу, посмотри на мир справедливыми глазами и помни, что ты – Человек! Протяни руку не
для удара, а для помощи. Радуйся тому, что кто-то может быть тебе за это
благодарен”.
Інфармацыйным
суправаджэннем мерапрыемства стала тэматычная выстава
“Беларускае гета: месца смутку і памяці”, на якой прадстаўлена літаратура з
фонду бібліятэкі.