Версія для друку
Памер
+
Друк

Галоўчанка: ва ўрада Беларусі ёсць дакладны план работы ва ўмовах санкцый ЕС

5 ліпеня, Мінск /Кар. БЕЛТА/. Ва ўрада Беларусі ёсць дакладны план работы ва ўмовах санкцый ЕС. Аб гэтым заявіў прэм'ер-міністр Беларусі Раман Галоўчанка ў інтэрв'ю праграме "Галоўны эфір" на тэлеканале "Беларусь 1", паведамляе БЕЛТА.

"Мы цяпер стараемся больш дакладна ацаніць уплыў сектаральных санкцый на эканоміку. У нас ёсць дакладны план работы ў гэтых умовах. Магчыма, мы станем яшчэ больш матываванымі. Больш строгія ўмовы работы прымусяць нас рухацца яшчэ хутчэй, больш актыўна выходзіць на новыя рынкі. Я сказаў бы, што для нас гэта пэўны матывуючы і стымулюючы фактар", - адзначыў Раман Галоўчанка.

Паводле яго слоў, плануецца актыўна развіваць і супрацоўніцтва з традыцыйнымі партнёрамі. Так, нядаўна прэм'ер-міністр Беларусі зрабіў рабочую паездку ў Казахстан. "У час візіту мы знайшлі канкрэтныя праекты, за кошт якіх будзем прырастаць у наступныя некалькі гадоў", - падкрэсліў ён.

Раман Галоўчанка таксама адказаў на пытанне, як увядзенне санкцый паўплывае на супрацоўніцтва з еўрапейскімі фінансавымі структурамі. "У нас быў і застаецца сур'ёзны пакет праектаў, якія ўжо адобраны еўрапейскімі фінансавымі інстытутамі, па якіх прыняты ўсе неабходныя рашэнні. Магчыма, будуць прымацца нейкія растлумачальныя акты ў Еўрасаюзе, але, наколькі я інфармаваны, дзеянне гэтых санкцый не распаўсюджваецца на раней заключаныя пагадненні. Нават калі яны па нейкіх прычынах паставяць на паўзу альбо адмовяцца ад рэалізацыі гэтых праектаў, мы ведаем, як замясціць гэтыя рэсурсы, - недзе сваімі ўласнымі, недзе пазыковымі сродкамі. Працуем з азіяцкімі інвестарамі, фондамі шэрага іншых дзяржаў", - сказаў ён.

Вы можаце знайсці гэту старонку па наступным адрасе:
https://svisloch.grodno-region.by/by/republic-by/view/galouchanka-va-urada-belarusi-ests-dakladny-plan-raboty-va-umovax-sanktsyj-es-19102/

© Свіслацкі раённы выканаўчы камітэт, 2016
Распрацоўка і падтрымка сайта БЕЛТА