Версія для друку
Памер
+
Друк

Ні дня без добрых спраў

Час зімовых канікул для валанцёраў і цімураўцаў Вердаміцкага ДС СШ стаў парой добрых спраў і ўчынкаў. Яны паўдзельнічалі ў акцыі “Ні дня без добрых спраў”.

Хлопчыкі і дзяўчынкі валанцёрскага атрада “Рука дапамогі” 8 студзеня з дабрачыннай місіяй адправіліся да ветэранаў педагагічнай працы Галіны Мікалаеўны Харко і Леаніды Уладзіміраўны Борыс. Валанцёры не толькі павіншавалі жанчын з навагоднімі святамі, але і дапамаглі па хатняй гаспадарцы. Таксама юныя памочнікі падрыхтавалі для ветэранаў памятныя паштоўкі, якія ўручылі на развітанне ветлівым гаспадыням.

У гэты ж дзень члены цімураўскага атрада “Спяшаемся на дапамогу” ў рамках акцыі “Ні дня без добрых спраў” вырашылі зрабіць сюрпрыз для першакласніка Алега Каракіна. Цімураўцы павіншавалі хлопчыка і падарылі яму прыгожы падарунак у выглядзе машынкі. Алег вельмі абрадаваўся такому знаку ўвагі і падзякаваў за шчырасць і добрыя словы, выказаныя ў яго адрас.

Сняжана ЖУРНЕВІЧ  
Вы можаце знайсці гэту старонку па наступным адрасе:
https://svisloch.grodno-region.by/by/slonim-news-by/view/ni-dnja-bez-dobryx-sprau-17263/

© Свіслацкі раённы выканаўчы камітэт, 2016
Распрацоўка і падтрымка сайта БЕЛТА