24.09.2020
21 верасня ў Свіслацкую раённую бібліятэку былі запрошаны вучні СШ №2 імя М.П.Масонава на абмеркаванне праблемы “Наркаманія: ад адчаю да надзеі”
Наркотыкі – тэма не новая, але
заўсёды страшная і, на жаль, актуальная. У абмеркаванні дадзенай праблемы
прынялі ўдзел: фельчар-валеолаг Свіслацкай ЦРБ Л.Ч.Саўко,
галоўны спецыяліст Свіслацкага суда Т.У.Фартушная, першы
сакратар раённага камітэта БРСМ А.А.Лобач, старшы
оперупаўнаважаны групы па наркакантролі і супрацьдзеянні гандлю людзьмі
Свіслацкага РАУС А.М.Слесарчык.
Саўка Людміла Чаславаўна расказала, наколькі наркотыкі
распаўсюдзіліся, і ці існуюць лекі ад дадзенай
хваробы. Разам абмеркавалі пытанні «Чаму маладыя людзі пачынаюць ужываць
наркотыкі?», «Якія асноўныя прычыны ўжывання?».
Пра наступствы і адказнасць за ўжыванне і
распаўсюджванне наркатычных сродкаў распавяла Фартушная Таццяна Уладзіміраўна.
У ходзе гутаркі рабяты даведаліся, як не дазволіць сябе падмануць і
прывабіць у лабірынт, з якога можна ніколі не знайсці выхад.
Аб магчымых спосабах і сцэнарыях
уцягвання
падлеткаў і моладзі ў наркаманію, пра спосабы самаабароны расказаў
Анатоль Мікалаевіч Слясарчык.
Таксама прывёў статыстычныя дадзеныя па Свіслацкаму
раёну, прыклады з жыцця і несуцяшальныя гісторыі тых, хто ўсё ж такі трапіў у
наркатычнае рабства.
Лобач Алёна Алегаўна падзялілася сваім поглядам на
будучыню нашай моладзі, падкрэсліўшы, што кожны малады чалавек павінен
усвядоміць важнасць вядзення здаровага ладу жыцця, так як гэта – яго асабісты поспех, а значыць і поспех усёй
краіны.
Прысутныя прагледзелі відэафільм “Смяротная
вечарынк”,
прачыталі выказванні, прыказкі і прымаўкі пра здаровы лад жыцця і прыйшлі да
высновы: “Здароўе
і шчасце кожнага – у
яго ўласных руках. Таму адмовіцца можна адзін раз – ПЕРШЫ,
і гэта адна з галоўных умоў, як не стаць наркаманам”.
На заканчэнне сустрэчы рабят папрасілі зрабіць свой
выбар, і якім ён аказаўся, было відаць з паднятых выказванняў: “Мы
супраць наркотыкаў!”, “Мы
выбіраем жыццё!”.